«Алтай» кемесі

«Nomad Eco» ЖШС-де Каспий теңізінің акваториясында қоршаған орта компоненттеріне мониторинг жүргізуге арналған дербес, жеке өзінің «Алтай» ғылыми зерттеу кемесі бар (бұдан әрі – ҒЗК).

«Алтай» ғылыми зерттеу кемесі, кемелерді басқару және қауіпсіздік жөніндегі Халықаралық кодекстің барлық талаптарына сәйкес келеді, нақтырақ айтсақ: Қазақстан Республикасы аумағында жарамды Ресей Федерациясының теңіз тіркелімінің барлық тіркеу және кеме құжаттары бар, сонымен қатар кемеде ұжымдық (сал) және жеке құтқару құралдарымен (кеудешелер, гидрокостюмдер, құтқару дөңгелектері), өртке қарсы және т. б жабдықтармен қамтамасыз етілген.

«Алтай» ҒЗК заманауи екі барабанды гидрологиялық (әрбір шығырдың ұзындығы 1000 м) терең суда жұмыс істеуге арналған жүкшығырмен жабдықталған, және теңіз түбін сүзуге арналған П – тәрізді рамасы бар.

Кемеде гидрологиялық, гидробиологиялық және гидрохимиялық зерттеулерге арналған кеме зертханасы бар.

Кеме палубасы қоршаған ортаның барлық компоненттерінен сынама алуға, соның ішінде теңіз суын, теңіз түбіндегі шөгінділерді, биологиялық сынамаларды алуға, гидроакустикалық зерттеулерді жүргізуге мүмкіндік береді

Алтай ҒЗК-нің теңізде жүзу қауіпсіздігін қамтамасыз ету үшін экипаж мүшелерінің тиісті біліктілігі мен мол тәжірибелері бар.

Кеме класы KM*L4 R2

Кеме ұзындығы 35,35 м, ені - 6,90 м

Жалпы сыйымдылығы - 237 т. т.